Ar gumun Speied

Degemer mat e Speied

 

Speied zo ur gumun eus Kreiz-Breizh, zo war-dro 2 00 a dud o chom enni.

Bevennet eo-hi er c’hornôg hag en norzh gant div stêr, ar Stêr-Aon hag ar Stêr-Iêr, zo bet kanoliet (Ar Ganol Naoned-Brest). Er gevred pellañ emañ Roc’h Toull al Laeron, lec’h uhelañ ar Menez Du, zo 318 metr uhelder.

 

Klikañ war ar gartenn evit brasaat anezhi

 

Ul lec’h a bouez evit ar sevenadur eo Speied. Tud zo n’o deus ket aon d'ober Kêr-benn sevenadur Breizh anezhi.

Enseigne bilingue
Maison Bleue
Mairie


A-hed hec'h istor ez eo bet diskouezet gant Speied skeudenn ur gêr zisuj, ma keje alies an identelezh hag ar blijadur. Er bloavezhioù 70  e oa bet oaled sevenadurel breizhat Menez Kamm ul lec’h emgav evit kalz a studierien eus skolioù-meur Brest ha Roazhon, evit arzourien, hag ivez evit emsaverien.

Place de l'église
Ti post
Enseigne bilingue



Siège de Coop Breizh

 

Abaoe 50 vloaz emañ an embregerezh Coop Breizh o produiñ pladennoù ha levrioù a-leizh eno.

 

 

 



Les Lurs, monnaie de la fête de la langue bretonne

Gant an tavarnioù stank, ar balioù-eured e "Ti Rouzig", ar voest-noz mojennel « Le Spot », "Club pilote Europe n° 1", eo deuet Speied da vezañ kêr-benn an noz.

Gant Gouel ar C'haol-moc'h, Gouel ar brezhoneg er bloavezhioù 80 ha 90, ar “Satuday Speied night fever”  n’eo ket aet skuizh. Ul Las Vegas zo e Breizh, a lavarer ; Wampas eo anv unan eus he bugale zoken...


Gweladenniñ lec'hienn ar Wampas

 

Sevenadur Breizh a vez kaset en-dro e Speied gant ar c’helc’h keltiek Brug ar Menez, zo bet kampion Breizh dañsoù giz gwechall, meur a wech, gant ar Skol Gouren, a ra he lod evit kenderc'hel ar gouren e Breizh, ha gant ar skol-sonerezh Korn-boud.

 

Gouren
Mozaik, le premier DVD de danse bretonne

 

Gant an tomm m’eo Speied ouzh hor sevenadur eo bet krouet Bagad Osismi Speied.

 

Normal 0 21 false false false FR X-NONE X-NONE Speied zo ur gumun eus Kreiz-Breizh, zo war-dro 2 000 a dud o chom enni