Sonerien - - - Dañs - - Kan ha Diskan

 

Krouet e oa bet Gouel ar Menez da gentañ penn evit aozañ ur genstrivadeg sonerien daou-ha-daou evit tonioù ar menez. Kalonenn ar gouel eo ar genstrivadeg-se hiziv, ha pa vefe abadennoù all ouzhpenn.

Gant ar genstrivadeg aozet e-pad Gouel ar Menez e c’haller bezañ dibabet (nemet ar re yaouank) evit kampionad Breizh, a vez aozet bep bloaz e Gourin e deroù miz Gwengolo.

 

3 rummad a vez kinniget er genstrivadeg :

Binioù-bras Bombard :

Trophée Michel Keranguyader

Biniou-kozh Bombard :

Trophée Iffig Com

Ar re yaouank Bras/Kozh

Trophée Filip-Mell




Ar genstrivadeg zo rannet e div lodenn
:

  • Ton-bale / Sonenn : Diouzh ar mintin e rank ar c’houbladoù seniñ un ton-bale hag ur sonenn da c’houde. E liorzh ar Presbital e vez aozet ar c’henstrivadegoù Binioù-bras - Bombard ha Sonerien yaouank (ar re yaouank da eil) peurliesañ. War plasenn an ti-kêr e vez aozet ar genstrivadeg Binioù-kozh - Bombard.
  • Gavotenn : En enderv e rank ar c’houbladoù seniñ un heuliad gavotenn penn-da-benn. Seniñ a ra an holl genstriverien war plasenn an Ti-kêr, gant Binioù-kozh ha Binioù-bras a bep eil. D’an hevelep mare e vez aozet ivez ar genstrivadeg dañs war ar plañchod bet lakaet war ar Blasenn.


Ma vez glav, evel ma oa bet d’an enderv e 2008, e vez aozet ar genstrivadeg e Sal ar Sportoù,  zo 500 m  pelloc’h.


Evit gouzout hiroc’h war ar genstrivadeg ha/pe war ar reolennoù e c’hallit implijout ar forom pe dont e darempred ganimp war-bouez ar furmskrid enlinenn.

 

 

Partenaires